رسالة هامة يقول الله تبارك وتعالى: (( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنْتُمْ لا تَعْلَمُونَ )) يرجى من زوار مدونتي المتواضعة ان لايتركوا وصلة لمواقعهم اذا كانت فيها مخالفات شرعية , كالاغاني و الصور الفاضحة و مواضيع تخالف ديننا الحنيف ومنهج اهل السنة و الجماعة او مواضيع تخالف عاداتنا وتقاليدنا . ومن سيخالف سيتم حذف تعليقاته تلقائيا وبدون استئذان منه . فالغاية من هذه المدونة مناقشة المواضيع الهادفة المختلفة لا لنشر الفساد و الضلال بين الناس .

1. جوهرة قال:
   يونيو 30th, 2007 at 30 يونيو 2007 3:17 م

   السلام عليكم

   مدونة جميلة..و بداية موفقة أخي الجامح

   بصراحة انا ما يخصني كثير بالشعر..

   لكن عيبتني هالقصيدة.. يمكن لأنها واقعية.. ومشاعر الغضب مبينة وواضحة..

   لكن احس انها ناقصة.. يعني كأنك بديت قصة وما كملتها..

   تحياتي

2. الـجــمــوح قال:
   يونيو 30th, 2007 at 30 يونيو 2007 5:55 م

   (( لكن احس انها ناقصة.. يعني كأنك بديت قصة وما كملتها.. ))

   هذي الكلمات كانت عالطاير .. وفي مكان عام

   وهي رباعية تدل على موقف !! ولها مغزى واضح

   شكرا على المرور و التعليق ^__^

3. فتاة الحزن قال:
   يونيو 30th, 2007 at 30 يونيو 2007 9:06 م

   ممم صراحةبنات اللحين مصخوها وبالذات المراهقات قوم الطعش يعني يوم كنافي أعمارهم ..ما كنا نعرف ميكب ولا شيلة تطيح ولا من هالسوالف.. الحين انا اشوف البنات الصغيرات يتبرجون أكثر من الكبار ..ما أدري تقليد ..وبعدين اللي تتبرج تفقد الكثير من الحياء ..وشوي شوي بتبدا تشل الشيلة وبعدين العباة ..فالمعصية إن لم تعالج وهي صغيرة كبرت وأغرقت صاحبها ..

   والله يهدي الجميع

4. سجال قال:
   يونيو 30th, 2007 at 30 يونيو 2007 9:20 م

   تصدق الجامح

   هالقصيدة ذكرتني في بن سوقان وربيع بن ياقوت وغيرهم من الشعراء القدامى

   أسلوبها تراثي حلو.. بس لو كملتها بتكون روعه

   الله يعطيك العافيه.. وياليت تكملها.. لانها تحمل رسالة

5. الـجــمــوح قال:
   يونيو 30th, 2007 at 30 يونيو 2007 10:27 م

   فتاة الحزن

   الناس تغيرت .. وحتى دور الآباء تغير ..

   النوع اللي ذكرتيه للأسف ان اغلبه في دمار .. بسبب انهم طلعوا من صغرهم على مجتمع متفتح .. وهالتفتح يزيد بين ساعه و اخرى !!

   الله يهدينا و يهديهم

   شكرا فيلسوفة ^__^

6. الـجــمــوح قال:
   يونيو 30th, 2007 at 30 يونيو 2007 10:31 م

   سجال

   بن سوقات وليس بن سوقان ^__^

   راحت ايامهم هالكبار .. الحين موضة الشلات و اليولة !! وكلهم يهال وكل من هب ودب قام ايول و ايشل !! و اذا سألتيه عن انواع الشلات بيقول : هاه !! ^__^

   لربيع بن ياقوت :

   علموها الرقص و الغنا .. خرجوها البنت فنانه
   
   علموها كيف تتجنا .. تلعب الجمباز شيطانه

   اتفق معاه في المعنا

   شكرا على الزيارة اللطيفه ^__^

7. جوهرة قال:
   يوليو 1st, 2007 at 1 يوليو 2007 12:31 ص

   “أسلوبها تراثي حلو.. بس لو كملتها بتكون روعه

   الله يعطيك العافيه.. وياليت تكملها.. لانها تحمل رسالة ”

   يا عيني عليج يا سجال.. انا اقول محد يفهمني كثر سجال

   سمعت يالجامح.. كملها وانشرها

   يالجامح ما عليك من قوم الشلات واليولة مال هاليومين… بيي يوم وبيطفي نجمهم..

   لكن أمثال بن سوقات ما يطفي نجمهم

   تحياتي

8. سجال قال:
   يوليو 4th, 2007 at 4 يوليو 2007 11:13 ص

   ” بن سوقات وليس بن سوقان ^__^ ”

   هيه صح بس لاحظ في كيبوردك التاء والنون.. جيران.. يعني هاي تنقيعه : )

   :

   جوهرة.. مثل ما التاء والنون جيران.. انا وانتي بعد جيران

   ونتفاهم ^_*

   وبعض الناس عندهم ابداع شعري.. بس نادر ما يظهرونه

   أتمنى انهم يواصلون في هالمشوار ويتحفونا بالمميز : )

9. banootah قال:
   يوليو 6th, 2007 at 6 يوليو 2007 9:59 م

   سبحان الله.. كنت في أحد مراكز التسوق اليوم ، وكان واقع الحاصل في أرجائه شيء مؤلم .. يعني مرات أتساءل في خاطري ” هالبنات ما عندهن ولي” ، يعني صدقت يوم قلت اصبغت وجهها بألوان ســـــــاحرة ، يعني الواحد يشك اذا في عرس في السوق عسب يحضره وياهن.. الله يستر علينا ونترقب جديد قلمك الغاضب من الواقع ^_^

10. الـجــمــوح قال:
    يوليو 9th, 2007 at 9 يوليو 2007 1:31 م

    جوهرة صدقتي

    و بحاول اكملها .. يوم بيزورني الهاجس ان شاء الله

    شكرا

11. الـجــمــوح قال:
    يوليو 9th, 2007 at 9 يوليو 2007 1:34 م

    سجال

    عادي .. خطأ مطبعي ^__^

    وانا مب شاعر ولهذا السبب ما اكتب .. بس عندي محاولات

    والمحاولات تكثر يوم اتقرب من الشعر لاني هاوي شعر

    و سبب قلة مشاركاتي توجهي لمجالات افضل بالنسبة لي

    لكن ان شاء الله بطرح اي شي يديد .. خاصة الاجتماعي

    شكرا سجال .. و الحرب سجال ^__^

12. الـجــمــوح قال:
    يوليو 9th, 2007 at 9 يوليو 2007 1:38 م

    بنوته ..

    مرحبا بكم في مدونتي

    ليت قلمي يظهر غضبي كله على الواقع .. فتن و كل فتنه اكبر من اللي قبلها
    
    مريت فمواقف اكبر من هذي لكن الحيا يمنعني

    شكرا على المرور و يسعدني تواجدكم جميعا

اكتب تعليــقك